Influence of magnetic fields and their characteristics on cortical excitabilitystudy on healthy adults and pathological aging

Resumo

Esta tese de doutoramento pretende responder dúas cuestións relacionadas coa interacción dos campos magnéticos dinámicos e estáticos co córtex motor. Nos dous primeiros experimentos estudáronse factores que inflúen na reproducibilidade da estimulación magnética transcraneal (TMS). Estas investigacións demostraron que tanto os efectos como a reproducibilidade da TMS vense afectados por dous tipos de factores relevantes: (1) factores técnicos ou modificables, en particular a forma de onda e a dirección da corrente dos pulsos da TMS; e (2) factores fisiolóxicos, en concreto a influencia do envellecemento fisiolóxico e as enfermidades relacionadas co envellecemento, coma a demencia por enfermidade de Alzheimer e a Diabetes Mellitus tipo 2. Nun segundo tipo de estudo observouse que a estimulación magnética estática transcraneal (tSMS) produce unha redución da excitabilidade e reactividade do sistema motor. Porén, esta redución só puido ser capturada por un tipo específico de forma de onda de TMS, o que indica que a acción da tSMS céntrase en redes interneurais específicas. Nos rexistros electroencefalográficos cuantificouse un aumento das frecuencias do rango beta nas rexións fronto-centrais, que está inversamente correlacionado coa diminución da excitabilidade.