Sustrato genético del rechazo mediado por anticuerpos tras el trasplante cardíacovariantes en genes de la cascada del complemento y de la biología de las células B

Resumo

Unha das principais complicacións tras o transplante cardíaco é a aparición do rexeitamento mediado por anticorpos (RMA), onde a cascada do complemento e as células B xogan un papel fundamental. Nesta tese de doutoramento nos plantexamos o estudo dos xenes implicados na bioloxía das células B e na activación da cascada do complemento, en pacientes transplantados e nos seus doantes que aportan información diagnóstica e prognóstica sobre o RMA. Para iso, analizáronse as variantes xenéticas detectadas en 112 xenes, 51 xenes relacionados coa vía do complemento e 61 xenes implicados na bioloxía das células B en 46 receptores con TC, 23 con RMA e 23 sen RMA e en 28 doantes, 14 doantes dos pacientes con RMA e 14 doantes dos pacientes sen RMA. Identificáronse 7 polimorfismos (SNP) con diferenzas significativas entre ambos grupos: 5 SNPs presentes en receptores: 2 SNPs en xenes da vía do complemento (p.Gly54Asp-MBL2 y p.Asn428(p=)-CFP) e 3 SNPs no xen ITGA4 implicado na bioloxía das células B [p.Thr615(p=), p.Gln878Arg y p.His961(p=)]. Un SNP no xen IL4Rα (p.Ile75Val), relacionado coa bioloxía das células B, nos doantes e un SNP no xen ADA (p.Val178(p=)), que participa na regulación das células B, nas parexas doantereceptor con TC. Ademais, para examinar o papel das variantes p.Gly54Asp-MBL2, p.Asn428(p=)-CFP e para o haplotipo AGT-ITGA4, leváronse a cabo estudos de expresión en pacientes, con presenza e ausencia de ditas variantes, que corroboraron o seu posible papel no desenvolvemento do RMA. A conclusión máis relevante deste estudo é que os polimorfismos presentes nos xenes MBL2 e CFP da vía do complemento, en receptores con TC, e nos xenes ITGA4, IL4Rα e ADA, nas células B, en receptores con TC e en doantes, xogan un importante papel no RMA.